JP Magazine v2 - шаблон joomla Оригами

ກອງປະຊຸມປຶກສາຫາລືກ່ຽວກັບການຈັດຕັ້ງປະຕິບັດນິຕິກຳ ແລະ ຂໍ້ຕົກລົງ 828/ປທສ ວ່າດ້ວຍການໃຫ້ບໍລິການອິນເນັດກາເຟ

ຂຽນໂດຍ khen. Posted in ກ່ຽວກັບພະແນກ

ໃນຕອນເຊົ້າວັນທີ 14 ທັນວາ 2017 ທີ່ຜ່ານມານີ້; ຢູ່ທີ່ຫ້ອງປະຊຸມ ບໍລິສັດ ລັດວິສາຫະກິດ ລາວໂທລະຄົມ ສາຂາ ແຂວງບໍລິຄຳໄຊ ໄດ້ຈັດກອງປະຊຸມປຶກສາຫາລືກ່ຽວກັບການຈັດຕັ້ງປະຕິບັດນິຕິກຳຂອງຂັ້ນເທິງ, ໂດຍການເປັນປະທານຂອງທ່ານ ລັງສີ ແກ້ວວິເສດ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ, ມີບັນດາອຳນວຍການບໍລິສັດໂທລະຄົມ, ຜູ້ປະກອບການທີ່ໃຫ້ບໍລິການເຮືອນພັກ, ໂຮງແຮມ, ຮ້ານ ອາຫານກິນດື່ມ, ພ້ອມດ້ວຍຄະນະພະແນກ, ພະນັກກງານວິຊາການພາຍໃນພະແນກ ປທສ ແຂວງເຂົ້າຮ່ວມ.

ໃນພິທີ ທ່ານ ວັດທະນາ ໄຊຍະແສງ ຮອງຫົວໜ້າພະແນກ ປທສ ແຂວງບໍລິຄຳໄຊ ໄດ້ຂື້ນເຜີຍແຜ່ເອກະສານ ຈຳນວນ 2 ເອກະສານທີ່ສຳຄັນຄື: 1) ຂໍ້ຕົກລົງຂອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ສະບັບເລກທີ 828/ປທສ, ລົງວັນທີ 11 ມີນາ 2015 ວ່າດ້ວຍການໃຫ້ບໍລິການອິນເຕີເນັດກາເຟ, 2) ລັດຖະບັນຍັດຂອງປະທານປະເທດແຫ່ງ ສປປ ລາວ ສະບັບເລກທີ 003/ປປທ, ລົງວັນທີ 26 ທັນວາ 2012 ວ່າດ້ວຍຄ່າທຳນຽມ ແລະ ຄ່າບໍລິການ. ຈາກນັ້ນ ຜູ້ເຂົ້າຮ່ວມກອງປະຊຸມ ຍັງໄດ້ປະກອບຄໍາຄິດ, ຄໍາເຫັນ ຢ່າງກົງໄປກົງມາ ແລະ ໄດ້ຕົກລົງເຫັນດີເປັນເອກະພາບໃນຄັ້ງນີ້.