JP Magazine v2 - шаблон joomla Оригами

ພະແນກ ປທສ ແຂວງບໍລິຄຳໄຊ ເປີດກອງປະຊຸມຂື້ນແຜນກຳນົດພະນັກງານນຳພາ-ຄຸ້ມຄອງ

ຂຽນໂດຍ khen. Posted in ກ່ຽວກັບພະແນກ

ໃນວັນທີ 12-13 ທັນວາ 2017 ທີ່ຜ່ານມານີ້; ຢູ່ທີ່ຫ້ອງປະຊຸມພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ ໄດ້ເປີດກອງປະຊຸມຂື້ນແຜນກຳນົດພະນັກງານນຳພາ-ຄຸ້ມຄອງ ພະແນກ ປທສ ແຂວງບໍລິຄຳໄຊ, ໂດຍການເປັນປະທານຂອງທ່ານ ລັງສີ ແກ້ວວິເສດ ເລຂາຄະນະພັກຮາກຖານ ຫົວໜ້າພະແນກ ປທສ ແຂວງ, ມີຄະນະຊີ້ນຳຂັ້ນແຂວງ, ກົມຈັດຕັ້ງພະນັກງານ-ລັດຖະກອນ ກະຊວງ ປທສ ແລະ ພະນັກງານ-ລັດຖະກອນພາຍໃນພະແນກເຂົ້າຮ່ວມຢ່າງພ້ອມພຽງ.

ພາຍໃນກອງປະຊຸມ ທ່ານ ລັງສີ ແກ້ວວິເສດ ເລຂາຄະນະພັກຮາກຖານ ຫົວໜ້າພະແນກ ປທສ ແຂວງ ໄດ້ຜ່ານຄຳສັ່ງ ເລກທີ 08/ກມສພ, ລົງວັນທີ 21 ສິງຫາ 2007 ວ່າດ້ວຍການຂື້ນແຜນກໍານົດພະນັກງານນໍາພາ-ຄຸ້ມຄອງ ໃນທົ່ວປະເທດ, ຜ່ານບົດແນະນຳເລກທີ 198/ຄຈສພ, ລົງວັນທີ 13 ຕຸລາ 2007 ແລະ ຜ່ານຂໍ້ກຳນົດ ເລກທີ 04/ກມສພ, ລົງວັນທີ 22 ກໍລະກົດ 2007 ວ່າດ້ວຍມາດຕະຖານພະນັກງານ. ຈາກນັ້ນທ່ານ ວັດທະນາ ໄຊຍະແສງ ຮອງເລຂາຄະນະພັກຮາກຖານ ຮອງຫົວໜ້າພະແນກ ປທສ ແຂວງບໍລິຄຳໄຊ ກໍໄດ້ຜ່ານດຳລັດສະບັບເລກທີ 461/ລບ, ລົງວັນທີ 9 ຕຸລາ 2012 ວ່າດ້ວຍ ມາດຕະຖານຕໍາແໜ່ງບໍລິຫານຂອງລັດຖະກອນແຫ່ງ ສປປ ລາວ. ການຂື້ນແຜນກໍານົດພະນັກງານນໍາພາ-ຄຸ້ມຄອງ ໃນໄລຍະຜ່ານມາແມ່ນປະຕິບັດຕາມແຜນການສ້າງພະນັກງານທີ່ກໍານົດໄວ້ໃນແຕ່ລະໄລຍະ ເພື່ອເປັນແນວທາງໃຫ້ແກ່ການກຳນົດພະນັກງານນຳພາ-ຄຸ້ມຄອງໃນຕໍ່ໜ້າ. ກອງປະຊຸມຍັງໄດ້ປ່ອນບັດຄັດເລືອກທາບທາມເອົາພະນັກງານນຳພາ-ຄຸ້ມຄອງທີ່ຢູ່ໃນເປົ້າໝາຍການສ້າງອິກດ້ວຍ.