JP Magazine v2 - шаблон joomla Оригами

ພະແນກ ປທສ ແຂວງບໍລິຄຳໄຊ ປະກາດແຕ່ງຕັ້ງຫົວໜ້າ ແລະ ຮອງຫົວໜ້າຂະແໜງ

ຂຽນໂດຍ khen. Posted in ກ່ຽວກັບພະແນກ

ໃນຕອນບ່າຍວັນທີ 8 ມັງກອນ 2018 ຜ່ານມານີ້; ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ ໄດ້ຈັດພິທີປະກາດແຕ່ງຕັ້ງຫົວໜ້າ ແລະ ຮອງຫົວໜ້າຂະແໜງ ພາຍໃນພະແນກ ປທສ ແຂວງບໍລິຄຳໄຊ, ພາຍໃຕ້ການເປັນປະທານຂອງທ່ານ ລັງສີ ແກ້ວວິເສດ ຫົວໜ້າພະແນກ ປທສ ແຂວງບໍລິຄຳໄຊ, ມີຄະນະອຳນວຍການບັນດາບໍລິສັດ ຜູ້ໃຫ້ບໍລິການດ້ານໄປສະນີ, ໂທລະຄົມ ສາຂາແຂວງບໍລິຄຳໄຊ ແລະ ມີພະນັກງານ-ລັດຖະກອນ ພາຍໃນພະແນກເຂົ້າຮ່ວມຢ່າງພ້ອມພຽງ.

ກອງປະຊຸມປຶກສາຫາລືກ່ຽວກັບການຈັດຕັ້ງປະຕິບັດນິຕິກຳ ແລະ ຂໍ້ຕົກລົງ 828/ປທສ ວ່າດ້ວຍການໃຫ້ບໍລິການອິນເນັດກາເຟ

ຂຽນໂດຍ khen. Posted in ກ່ຽວກັບພະແນກ

ໃນຕອນເຊົ້າວັນທີ 14 ທັນວາ 2017 ທີ່ຜ່ານມານີ້; ຢູ່ທີ່ຫ້ອງປະຊຸມ ບໍລິສັດ ລັດວິສາຫະກິດ ລາວໂທລະຄົມ ສາຂາ ແຂວງບໍລິຄຳໄຊ ໄດ້ຈັດກອງປະຊຸມປຶກສາຫາລືກ່ຽວກັບການຈັດຕັ້ງປະຕິບັດນິຕິກຳຂອງຂັ້ນເທິງ, ໂດຍການເປັນປະທານຂອງທ່ານ ລັງສີ ແກ້ວວິເສດ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ, ມີບັນດາອຳນວຍການບໍລິສັດໂທລະຄົມ, ຜູ້ປະກອບການທີ່ໃຫ້ບໍລິການເຮືອນພັກ, ໂຮງແຮມ, ຮ້ານ ອາຫານກິນດື່ມ, ພ້ອມດ້ວຍຄະນະພະແນກ, ພະນັກກງານວິຊາການພາຍໃນພະແນກ ປທສ ແຂວງເຂົ້າຮ່ວມ.

ພະແນກ ປທສ ແຂວງບໍລິຄຳໄຊ ເປີດກອງປະຊຸມຂື້ນແຜນກຳນົດພະນັກງານນຳພາ-ຄຸ້ມຄອງ

ຂຽນໂດຍ khen. Posted in ກ່ຽວກັບພະແນກ

ໃນວັນທີ 12-13 ທັນວາ 2017 ທີ່ຜ່ານມານີ້; ຢູ່ທີ່ຫ້ອງປະຊຸມພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ ໄດ້ເປີດກອງປະຊຸມຂື້ນແຜນກຳນົດພະນັກງານນຳພາ-ຄຸ້ມຄອງ ພະແນກ ປທສ ແຂວງບໍລິຄຳໄຊ, ໂດຍການເປັນປະທານຂອງທ່ານ ລັງສີ ແກ້ວວິເສດ ເລຂາຄະນະພັກຮາກຖານ ຫົວໜ້າພະແນກ ປທສ ແຂວງ, ມີຄະນະຊີ້ນຳຂັ້ນແຂວງ, ກົມຈັດຕັ້ງພະນັກງານ-ລັດຖະກອນ ກະຊວງ ປທສ ແລະ ພະນັກງານ-ລັດຖະກອນພາຍໃນພະແນກເຂົ້າຮ່ວມຢ່າງພ້ອມພຽງ.

ລັດຖະມົນຕີກະຊວງ ປທສ ພົບປະໂອ້ລົມພະນັກງານ ໄປສະນີ ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ

ຂຽນໂດຍ khen. Posted in ກ່ຽວກັບພະແນກ

ໃນວັນທີ 12 ຕຸລາ 2017 ຜ່ານມານີ້; ທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ພ້ອມຄະນະ ໄດ້ພົບປະໂອ້ລົມພະນັກງານຫຼັກແຫຼ່ງ ໃນຂົງເຂດໄປສະນີ, ໂທລະຄົມມະນາຄົມ ແລະ ການສື່ສານ. ເຂົ້າຮ່ວມຮັບຟັງການໂອ້ລົມຄັ້ງນີ້ມີທ່ານ ລັງສີ ແກ້ວວິເສດ ຫົວໜ້າພະແນກ ປທສ ແຂວງບໍລິຄຳໄຊ, ມີບັນດາອຳນວຍການບໍລິສັດໄປສະນີ, ໂທລະຄົມມະນາຄົມ, ພ້ອມດ້ວຍພະນັກງານ-ລັດຖະກອນພາຍໃນພະແນກ ປທສ ແຂວງ.

ຮາກຖານພັກ ພະແນກ ປທສ ແຂວງບໍລິຄຳໄຊ ເປີດບັ້ນດຳເນີນຊີວິດການເມືອງ ກວດກາໜ່ວຍພັກເຂັ້ມແຂງ-ຮູ້ນຳພາຮອບດ້ານ ປະຈຳປີ 2017

ຂຽນໂດຍ khen. Posted in ກ່ຽວກັບພະແນກ

 

ໃນລະຫວ່າງວັນທີ 22-24 ສິງຫາ 2017 ຜ່ານມານີ້, ຢູ່ທີ່ຫ້ອງປະຊຸມຂອງລັດວິສາຫະກິດ ລາວໂທລະຄົມ ສາຂາແຂວງບໍລິຄຳໄຊ ໄດ້ເປີດບັ້ນດຳເນີນຊີວິດການເມືອງກວດກາໜ່ວຍພັກເຂັ້ມແຂງ-ຮູ້ນຳພາຮອບດ້ານ ທົ່ວຮາກຖານພັກພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງ ບໍລິຄຳໄຊ. ພາຍໃຕ້ການເປັນປະທານຂອງທ່ານ ລຳສະໄໝ ວໍລະສານ ຄະນະປະຈຳພັກແຂວງ ປະທານແນວລາວສ້າງຊາດ ແຂວງບໍລິຄຳໄຊ, ມີຄະນະພັກ, ສະມາຊິກພັກສົມບູນ ແລະ ສຳຮອງພາຍໃນ 4 ໜ່ວຍພັກຂື້ນກັບເຂົ້າຮ່ວມຢ່າງພ້ອມພຽງ.